തിങ്കളാഴ്‌ച, ഒക്‌ടോബർ 10, 2011

വിശപ്പും വിഡ്ഢികളും ...


സ്റ്റീവ് ജോബ്സ് കഥാവശേഷനായി ... സൈബര്‍ പാണന്മാരുടെ കടുന്തുടികള്‍ ഇനിയും നിലച്ചിട്ടില്ല... അദ്ധേഹത്തിന്റെ മഹിമകള്‍ പാടി പുകഴ്ത്തി ... ഈ ഞാനും എന്നാലാവും വിധം പോസ്റ്റി പുളകം കൊണ്ട്... ഒന്നല്ല ഒരു രണ്ടു മൂന്നു തവണയെങ്കിലും ... മനുഷ്യാവകാശത്തിന്റെ പ്രയോക്താക്കലായ ഒരു പറ്റം സൈബര്‍ ബുള്ളികള്‍ അപദാന കീര്‍ത്തനങ്ങള്‍ പാടുന്നതില്‍ ഒട്ടും പിശുക്ക് കാണിച്ചില്ല എന്നത് ഈ മരണം എന്ന വേദനാജനകമായ സത്യത്തിലും ഒരു ക്രൂരമായ തമാശയായി കാണുന്നു.. എവിടെയും എന്തിനും സാമ്രാജ്യത്വം, സവര്‍ണ ഫാസിസം, ഇമ്ബീരിയലിസം, കൊലോനിയലിസം, കോടച്ചക്ക്രം എന്നൊക്കെ വഴിയെ പോരുന്നവനെയെല്ലാം തെറി പറഞ്ഞു സര്‍വജ്ഞാപീടം കയറി ഞെളിഞ്ഞിരിക്കുന്ന എല്ലാവനും കവാത്ത് മറന്നു വാ പൊളിച്ചിരിക്കുന്ന കാഴ്ച സൈബര്‍ ലോകത്ത് ഇതാദ്യമല്ല ... ആരാണ് ഈ സ്റ്റീവ് ജോബ്സ്? ... മിടുക്കനായ ഒരു  കച്ചവടക്കാരന്‍ .. നല്ല ഒരു മാര്കെട്ടിംഗ് തലച്ചോറിന്റെ ഉടമ... ഒരു കൂട്ടം റെക്നോലോജിസ്ടുകള്‍ അഹോരാത്രം മിനക്കെട്ടു പ്രയത്നിച്ചു സൃഷ്‌ടിച്ച സംഭവങ്ങള്‍ മര്കെട്റ്റ് ചെയ്തു കോടീശ്വരനായ വ്യക്തി... അദ്ദേഹം പ്രഗല്ഭാമതി തന്നെ ... അതില്‍ ഒരു സംശയവും വേണ്ട ... പക്ഷെ ഇത്രയേറെ അപദാനങ്ങള്‍ വാഴ്ത്താന്‍ മാത്രം ... 

മുന്‍പൊരിക്കല്‍ സന്ദീപ്‌ ഗോയല്‍ എന്ന ഒരു മാര്കെടിംഗ്/പരസ്യ രംഗത്തെ പ്രസിദ്ധന്‍ ഒരു പുസ്തകം എഴുതിയിട്ടുണ്ട് .. ടം ടം ബുല്ലെറ്റ് എന്ന ശീര്‍ഷകത്തില്‍. അതില്‍ അദ്ദേഹം പ്രസക്തമായ ഒരു കാര്യം പറയുന്നുണ്ട്. പഠിക്കാന്‍ മിടുക്കനായ, ജീനിയസ് ആയ തന്റെ സഹോദരനെ പറ്റി.. രാഷ്ട്ര നിര്‍മാണത്തിന് വളരെ പ്രധാനപ്പെട്ട  ഒരു പദവി അലങ്കരിക്കുന്ന അദ്ദേഹത്തിന്, സോപ്പും കോളയും വില്‍ക്കുവാന്‍ പരസ്യ പണി ചെയ്യുന്ന സന്ദീപ്‌ നേടിയ പോലെ പണം, പ്രശസ്തി, അംഗീകാരം എന്നിവ ഒന്നും നേടാന്‍ സാധിക്കാതെ കഴിച്ചു കൂട്ടേണ്ടി വരുന്നു എന്ന് സങ്കടത്തോടെ കുറിക്കുന്നു...
 ഇവിടെയാണ്‌ നമ്മുടെ സമൂഹത്തിന്റെ ഹൈപോക്രസ്സി വെളിവാവുന്നത് ... ആപിളിനേ ആപ്പിളാക്കിയ  റെക്നോലോജികള്‍ക്ക് പിറകില്‍ അഹോരാത്രം മിനക്കെട്ട പ്രയത്നങ്ങള്‍ ആരുടെ ഒരു മാന്യനും അറിഞ്ഞുകൂടാ അതെല്ലാം പൊതിഞ്ഞു കെട്ടി, വെടിപ്പായി മാര്‍കെട്ടു ചെയ്തു പണം ഉണ്ടാക്കിയ വ്യക്തിയുടെ അപദാനങ്ങള്‍ പാടിയിട്ടും പാടിയിട്ടും മതി തീരുന്നില്ല .... ആദ്യന്തികമായും മാര്കെട്ടിംഗ് പണി ചെയ്യുന്ന ഞാനും ആ പരമ സത്യവും വേദനയോടെ അംഗീകരിക്കുന്നു  ... കാല യവനികയില്‍ മറഞ്ഞ പ്രഗല്ഭമതിയെ ആദരിച്ചു കൊണ്ട് തന്നെ ... അദ്ധേഹത്തിന്റെ സംഭാവനകളെ സ്മരിചു കൊണ്ട് തന്നെ...

അഭിപ്രായങ്ങളൊന്നുമില്ല: